Këngëtarja e njohur Besa Kokëdhima i ka dhënë fund beqarisë verën që lamë pas, në një ceremoni që u zhvillua në jug të vendit. Mirëpo fotot nga ceremonia arritën të qarkullonin në rrjete sociale, ku dhe u zbulua se djali që i ka rrëmbyer zemrën Besës është Tedi Tase, që në fakt është dhe menaxheri i këngëtares.
Besa dhe Tedi janë në një lidhje të konsoliduar prej vitesh tanimë, ndonëse e jetojnë këtë histori dashurie larg syve të publikut. Dasma ka qenë shumë private, me shumë pak miq dhe personazhe të famshëm.
Së fundmi Besa ka publikuar në Instagram, një foto nga dasma e tyre, ku shfaqen vetëm duart e kapura bashkë dhe veshja e tyre e dasmës, duke mos ekspozuar fytyrat. Besa vazhdon të jetë shumë diskrete për këtë ditë të veçantë dhe është shprehur se kjo foto do të jetë e vetmja që ajo do të postojë.
“Ne jemi të dy të turpshëm dhe protektivë për dashurinë tonë, kështu që kjo është e vetmja gjë që do postoj. Unë i përkas të dashurit tim dhe ai më përket mua.”
