nicola peltz beckham

EDITORIAL

×
Kush është Nicola Peltz Beckham, një nga vajzat më të përfolura në dramën e familjes Beckham? - Celebrity
KreuCelebrity

Kush është Nicola Peltz Beckham, një nga vajzat më të përfolura në dramën e familjes Beckham?

Aktore, shkrimtare, regjisore dhe aktiviste për të drejtat e kafshëve kështu e përshkruan veten Nicola Peltz Beckham në biografinë e saj në Instagram. 31-vjeçarja, bashkëshortja e Brooklyn Beckham, ka qenë së fundmi në qendër të vëmendjes mediatike pas një postimi të fortë në rrjetet sociale nga ana e bashkëshortit të saj, që u interpretua si një sulm ndaj prindërve të tij të famshëm, Sir David dhe Victoria Beckham.

Edhe pse fama e saj është rritur ndjeshëm pas martesës me djalin e madh të familjes Beckham, Nicola Peltz Beckham ka ndërtuar prej vitesh një karrierë të sajën në industrinë e filmit dhe vjen gjithashtu nga një familje shumë e njohur dhe e pasur në SHBA.

Nicola është vajza e miliarderit Nelson Peltz, një nga themeluesit e një fondi të madh investimesh në Nju Jork dhe ish-drejtor i disa markave globale, përfshirë Heinz. Nëna e saj, Claudia Heffner, ishte një modele e suksesshme në vitet 1980 dhe 1990. Çifti ka tetë fëmijë dhe janë së bashku prej më shumë se 40 vitesh.

Kush është Nicola Peltz Beckham, një nga vajzat më të

E rritur në Nju Jork, Nicola ka treguar se prindërit e saj fillimisht nuk e mbështetën dëshirën e saj për t’u bërë aktore. Në një intervistë të vitit 2019, ajo kujtoi se i ati donte që ajo të fokusohej në sport, veçanërisht në hokej mbi akull.

Megjithatë, pas këmbënguljes së saj, prindërit ndryshuan mendje. Nicola bëri debutimin e saj në skenë në vitin 2005 me shfaqjen Blackbird në Manhattan Theatre Club, ndërsa debutimi në film kishte ardhur edhe më herët, në komedinë festive Deck the Halls.

Ajo u bë më e njohur me rolin në The Last Airbender të M. Night Shyamalan (2010) dhe më pas në serialin e suksesshëm Bates Motel, ku interpretoi interesin romantik të Norman Bates. Në vijim, ajo luajti në filma dhe seriale si Transformers: Age of Extinction (2014) dhe When the Street Lights Go On.

Projekti i saj më i fundit është filmi indie Prima, ku ajo luan rolin kryesor si balerinë, përkrah aktoreve fituese të çmimeve Oscar, Faye Dunaway dhe Mira Sorvino. Skenari bazohet në një histori dhe personazh të krijuar nga vetë Nicola.

Në vitin 2024, Nicola bëri debutimin e saj si regjisore me filmin Lola, të cilin e shkroi dhe e interpretoi vetë. Filmi mori vlerësime të përziera dhe u përball me kritika, përfshirë edhe akuza se “shfrytëzon vështirësitë sociale”. Vetë Nicola ka reaguar ndaj kritikave për privilegjin e saj, duke theksuar se ka punuar për Lola për më shumë se gjashtë vite.

Përtej karrierës artistike, Nicola është e njohur për aktivizmin e saj në mbrojtje të kafshëve dhe nxitjen e adoptimit dhe strehimit të tyre. Në vitin 2022, ajo u vlerësua nga PETA me çmimin “Pawsome Adoption Advocate”.

Marrëdhënia e saj me Brooklyn Beckham e ka vendosur shpesh në qendër të mediave, veçanërisht pas dasmës luksoze të çiftit në vitin 2022. Ata u njohën në festivalin Coachella dhe më pas nisën lidhjen pas një feste Halloween.

Kush është Nicola Peltz Beckham, një nga vajzat më të

Kush është Nicola Peltz Beckham, një nga vajzat më të

Megjithëse Nicola ka folur shpesh publikisht për rëndësinë e familjes dhe ka lavdëruar si prindërit e saj ashtu edhe familjen Beckham, së fundmi janë raportuar tensione të forta mes çiftit dhe prindërve të Brooklyn. Situata u përshkallëzua pas një deklarate publike nga Brooklyn, ku ai shprehej se nuk dëshironte pajtim me familjen e tij.

Nicola Peltz Beckham vazhdon të mbetet një figurë që ndan opinionin publik mes artit, privilegjit, aktivizmit dhe dramës familjare që tashmë zhvillohet nën vëmendjen e mediave botërore.

(Burimi: BBC)

Galeria fotografike

Tags:

brooklyn beckham nicola peltz beckham

Bordo No.90
Janar 2026

SHKARKO VERSIONIN PDF

Celebrity

ME SHUME NGA KJO KATEGORI