Fansat e Pierce Brosnan kanë reaguar ashpër kundër talljeve ne rrjet, ku u shfaqën foto krahasuese të aktorit me bashkëshorten e tij, Keely Shaye Smith, për të kujtuar “sesi njerëzit duhet ta shmangin martesën”. Ylli i James Bond, 72 vjeç, është i martuar me gazetaren Keely që prej vitit 2001, pas vdekjes nga kanceri në vitin 1991 të bashkëshortes së tij të parë, Cassandra Harris.
Çifti shpesh konsiderohet një nga historitë më të bukura të dashurisë në Hollywood, me një lidhje të gjatë që sfidon mitin e romancave jetëshkurtra. Megjithatë, të dielën një përdorues i rrjetit X doli me pretendimin se çifti ishte dëshmi se martesa duhej “shmangur”. Ky koment u shoqërua me imazhe të çiftit në tapetin e kuq të Governors Ball gjatë ceremonisë së Çmimeve Oscar në vitin 1996, si edhe me një foto të tyre në premierën e filmit Mamma Mia! në vitin 2008.
Rrjetet sociale u mbushën me mesazhe mbrojtëse, ku shumëkush këmbënguli se ata janë shembull i dashurisë së vërtetë. Një përdorues shkroi: “Nuk e kuptoj fiksimin e disa burrave në X për të poshtëruar gruan e Brosnan. Të dy janë të lumtur, po plaken me dinjitet dhe ajo ka qenë dhe mbetet absolutisht e mrekullueshme.”
Galeria fotografike
