kristen bell

EDITORIAL

×
“Shumë burra kanë vrarë gratë e tyre…” Kristen Bell ndez rrjetin me postimin e saj më të diskutueshëm ndonjëherë! - Celebrity
KreuCelebrity

“Shumë burra kanë vrarë gratë e tyre…” Kristen Bell ndez rrjetin me postimin e saj më të diskutueshëm ndonjëherë!

“Shumë burra kanë vrarë gratë e tyre…”

Kristen Bell shkaktoi  një revoltë të vërtetë në rrjet me një postim për përvjetorin e 12-të të martesës me aktorin Dax Shepard. Ajo publikoi një foto të çiftit duke u përqafuar, shoqëruar me një shaka të errët dhe provokative:

“Gëzuar 12-vjetorin e martesës burrit që dikur më tha: ‘Nuk do të të vrisja kurrë. Shumë burra i kanë vrarë gratë e tyre në një moment të caktuar. Edhe pse kam shumë arsye për të të vrarë, nuk do ta bëja kurrë.”

Ndjekësit shpërthyen menjëherë. Disa e morën si një shaka intime mes çiftit, por të tjerë e konsideruan të papërshtatshme dhe shokuese, duke e kritikuar ashpër për kohën e postimit gjatë Muajit të Ndërgjegjësimit për Dhunën në Familje. Një koment shprehet: “Në mbarë botën, një grua vritet çdo dhjetë minuta nga partneri i saj… #stopviolenceagainstwomen.”

Postimi ka mbledhur mbi 690,000 pëlqime, duke treguar se edhe një shaka e errët mund të shkaktojë debat masiv. Çifti i aktorëve është i njohur për marrëdhënien e tyre të hapur në të cilin nuk heqin dorë nga ironia dhe humori i tyre.

Dy aktorët u takuan për herë të parë në 2007 gjatë një mbrëmje sushi me një mik të përbashkët, por lidhja e tyre filloi më vonë në një ndeshje të Detroit Red Wings. Pas një ndarjeje të shkurtër katër-ditore, Dax kuptoi se Kristen ishte e duhura. Çifti u fejuan në 2009 dhe u martuan në një ceremoni intime në Beverly Hills në 2013.

Martesa e tyre shpesh lavdërohet për sinqeritetin, humorin dhe mënyrën e hapur të komunikimit. Por ky postim provokues tregon se Kristen dhe Dax nuk kanë frikë të sfidojnë normat e pritshme të shoqërisë, duke ndezur diskutime të forta për shakatë e errëta dhe marrëdhëniet moderne.

 

Tags:

kristen bell dax shepard postim

Bordo No.90
Janar 2026

SHKARKO VERSIONIN PDF

Celebrity

ME SHUME NGA KJO KATEGORI