Mund të thuhet se një stilist i do gratë nga veshjet që krijon për to, dhe këtu, Giorgio Armani nuk bënte përjashtim. Linja e tij Haute Couture, Armani Prive, e lansuar në 2005-sën, u kthye në kulminacionin e artit të tij.
I njohur për minimalizmin e rafinuar, Armani dikur qe shprehur se donte që “femrat të ndiheshin elegante pa u lodhur shumë”. Ndryshe nga veshjet skenike, krijimet e tij kishin të bënin me saktësinë, rrjedhshmërinë dhe bukurinë që nuk njeh kohë.
Në tapetin e kuq, Armani u kthye në një legjendë. Fustanet e tij Prive u bënë sinonim i glamourit, e u veshën nga ikona si Cate Blanchett, Anne Hathaway, Julia Roberts, Zendaya.
Estetika e Armanit dallohej menjëherë, me veshje që derdheshin në trup në vend që ta shtrëngonin atë, dhe me pëlhurat plot shkëlqim: Mëndafsh, saten, organza…
Në zemër të filozofisë së Armanit, qëndron dashuria e tij për gruan, shkruan Opulent Styling. Ai besonte aq fort tek dëshira për ta nxjerrë në pah bukurinë naturale, dhe jo për ta eklipsuar atë…
Galeria fotografike
