Emilio Fede, një nga figurat më simbolike të televizionit italian, ndërroi jetë mbrëmbjen e djeshme në moshën 94-vjeçare. Lajmin e bëri të ditur familja e tij.
Gazetari ishte shtruar në spital për disa kohë në azilin e pleqve San Felice në Segrate, pak jashtë Milanos. Gjendja e tij ishte përkeqësuar në orët e fundit. "Deri dje, ai ishte ende i kthjellët", raportoi një person pranë familjes këtë mëngjes. Më pas situata u përkeqësua.
Një fytyrë shumë popullore, por edhe kontraverse, fillimisht në televizionin publik dhe më pas në Mediaset, Fede e filloi karrierën e tij në gazetari në RAI, ku mbajti pozicione të ndryshme, përfshirë atë të drejtorit të TG1 në vitet 1980. Megjithatë, ai njihet më së miri për drejtimin e tij të gjatë të TG4 , programit të lajmeve në Rete 4 (grupi Mediaset), nga viti 1992 deri në vitin 2012. Stili i tij i drejtpërdrejtë dhe partiak, shpesh në mbështetje të hapur të kryeministrit të atëhershëm Silvio Berlusconi, shkaktoi kritika dhe diskutime, duke e bërë atë një figurë kontraverse në gazetarinë italiane. Por talenti i tij për lajme mbetet legjendar: ai ishte i pari në Itali, për shembull, që raportoi sulmin islamist në Manhattan.
Përveç gazetarisë, Fede ka bërë shumë paraqitje televizive dhe ka shkruar disa libra. Në vitet e fundit, emri i tij është përfshirë edhe në disa nga çështjet ligjore që përfshijnë vetë Berluskonin.
Pavarësisht polemikave, Emilio Fede mbetet një nga figurat më të njohura të televizionit italian të pasluftës, i njohur për fytyrën e tij ikonike në TG4 dhe një stil të caktuar "të vjetër" në mënyrën e tij të raportimit
-
Horoskopi ditor, e mërkurë 3 shtator 2025!
3 Shtator, 09:27 -
