Harmoni, kimi dhe një sinqeritet që të bën për vete, kështu vijnë Albi dhe Xhesi në intervistën e tyre ekskluzivisht për Bordo, ku flasin pa filtra për pikat e forta dhe dobësitë që i bëjnë edhe më njerëzorë.
Çfarë pëlqejnë më shumë tek njëri-tjetri?
Me një buzëqeshje të ëmbël, Xhesi e nis e para:
“Nga pamja fizike unë vdes për sytë e Albit. E kam thënë dhe më parë… Ndërsa nga karakteri, ka shumë cilësi. Është shumë punëtor.”
Albi, i rezervuar por plot dashuri, ia kthen me një komplement që çdo vajzë do të donte ta dëgjonte:
“Tek Xhesi nga ana fizike nuk mund të veçoj dot një gjë. Më pëlqen në tërësi. Nga ana shpirtërore dhe morale? Është shumë e fortë, e drejtë, besnike dhe shumë e respektueshme.”
Kur sinqeriteti bëhet pjesë e recetës së dashurisë: Çfarë nuk pëlqejnë tek njëri-tjetri?
Me pak humor dhe pak ndrojtje, çifti pranon se ka një “dobësi” që i bashkon:
“Egoja…,” thonë të dy njëzëri, duke qeshur.
“Por kemi bërë premtim që do ta rregullojmë,” shton Albi.
Ai zbulon edhe një anë tjetër të përditshmërisë së tyre:
“Ndonjëherë, impulsiviteti i Xhesit… por ndodh. Jemi shqiptarë, vijmë nga troje të ndryshme, ndoshta na kategorizon pak.”
Ndërsa më pas, me shumë natyrshmëri, ajo pranon:
“Pak ndonjëherë del në pah edhe arroganca… pak fare. E kemi të dy, kështu që është e pranueshme.”
Intervista e plotë më poshtë:
