Pas publikimit të lajmeve se ishte përfshirë në një aksident, Denisa Bajramaj, bashkëshortja e Kozakut, ka reaguar përmes rrjeteve sociale, duke qetësuar ndjekësit dhe opinionin publik.
Ajo tregoi se ka kaluar një moment shumë të vështirë dhe të frikshëm, por theksoi se gjendja e saj shëndetësore dhe ajo e bebit është e mirë. Denisa u shpreh mirënjohëse ndaj Zotit, stafit mjekësor dhe të gjithë atyre që e kanë mbështetur me mesazhe e lutje.
“Një aksident që më ndali frymën dhe më mbushi me frikë, por falë Zotit, bebi im është mirë,” shkruan ajo, duke apeluar gjithashtu për më shumë kujdes në rrugë.
Reagimi i saj erdhi pasi lajmi për aksidentin u shpërnda në media, ndërsa Denisa theksoi se pavarësisht dhimbjeve fizike, forca e saj vjen nga fakti që fëmija është i sigurt.
