Aktori i njohur Charles Melton ka njoftuar ardhjen në jetë të fëmijës së tij të parë me partneren Camille Summers‑Valli. Lajmi u bë publik këtë të hënë, më 9 mars, përmes një postimi në rrjetet sociale, ku aktori ndau disa foto emocionale të familjes së tyre të re.
View this post on Instagram
Në përshkrimin e postimit, Melton shkroi thjesht: “Familja jonë”, duke e shoqëruar me një seri fotografish intime të çiftit dhe foshnjës së tyre të porsalindur.
Në fotografinë e parë, aktori shihet duke puthur në faqe Summers-Valli, ndërsa ajo mban në krahë foshnjën. Një tjetër imazh tregon këmbët e vogla të bebit pranë fytyrës së Melton, ndërsa të dy janë shtrirë në dysheme. Postimi përfshin gjithashtu disa foto nga periudha e shtatzënisë së Summers-Valli dhe një moment të ëmbël ku ajo shihet me të porsalindurin në krahë.
Çifti nuk ka zbuluar ende emrin, gjininë apo datën e saktë të lindjes së fëmijës. Ndërkohë, komentet në postimin e aktorit nuk munguan me urime nga miq, familjarë dhe fansa.
