Pas bujës së madhe që shkaktoi këtë edicion të Big Brother Vip Kosova dhe fitores që mori Londrim Mekaj ka zbuluar mesazhet me aktoren turke Demet Özdemir, të cilës i rrëmbeu vemendjen gjatë kohës që ishte brenda shtëpisë.
Duket se suporti i aktores nuk ka ndaluar vetëm me follow-in që ajo i bëri në Instagram, por dhe me një bisedë të shkurtër të cilën fituesi i BBVK e zbuloi gjatë një interviste në emisionin "Shoqet” në Klan Kosova.
Në mesazh ylli turk shkruan: "Londrim, Urime për fitoren! Ti ishe i preferuari im, sigurisht. Pashë videot e tua dhe isha shumë e lumtur. Jeta të sjellë mrekulli, shpresoj të takohemi një ditë dhe që drita jote të shkëlqejë gjithmonë, të dua."
Një mesazh për të cilin Londrimi u shpreh se ishte ndjerë shumë i lumtur dhe i ishte dukur e pabesueshme që mumd të ndodhte. I pyetur nëse do të pranonte një projekt në Turqi në rast se do të merrte një propozim, këngëtari nuk hezitoi në përgjigje dhe u shpreh se do ta pranonte me kënaqësi.
Deri atëhere i ngelet të shijojë frytet e suksesit si fitues i reality show.
