Jessica Alba dhe Joe Burrow janë përfolur së fundmi për një romancë të mundshme, pasi u panë në të njëjtin event në Las Vegas. Megjithatë, sipas raportimeve të TMZ, mes tyre nuk ka asgjë më shumë sesa një raport miqësor.
Burime pranë dyshes tregojnë se aktorja dhe ylli i NFL ndodheshin në të njëjtin grup miqsh gjatë hapjes së klubit privat Zero Bond Vegas, brenda hotelit Wynn Las Vegas. Edhe pse u ulën pranë njëri-tjetrit gjatë eventit, nuk është vënë re asnjë sjellje që të sugjerojë një lidhje romantike.
Sipas të njëjtave burime, nuk pati asnjë shenjë afërsie apo gjeste dashurie në publik, çka lë të kuptohet se takimi mes tyre ishte thjesht në kuadër shoqëror.
Ndërkohë, protagonistja e filmit Honey thuhet se vazhdon të jetë në një lidhje me aktorin Danny Ramirez. Ky i fundit duket se e ka konfirmuar indirekt marrëdhënien e tyre përmes disa fotove të publikuara në Instagram nga pushimet romantike të çiftit në Meksikë. Alba dhe Ramirez janë përfolur si çift që nga maji i vitit 2025, kur u fotografuan duke u puthur gjatë një shëtitjeje në Regent’s Park.
Sa i përket Joe Burrow, ai raportohet se aktualisht është beqar. Futbollisti amerikan ka qenë më parë në një lidhje afatgjatë me të dashurën e tij të kohës së universitetit, Olivia Holzmacher, nga viti 2017 deri në vitin 2024. Po ashtu, gjatë vitit 2024 ai u përfol për një romancë me modelen Olivia Ponton.
Në përfundim, pavarësisht thashethemeve që qarkulluan në rrjet, duket se takimi i tyre në Las Vegas ka qenë thjesht një rastësi mes miqsh dhe jo fillimi i një historie dashurie.
