Janë mbushur plot 100 ditë nga starti i edicionit të pestë të “Big Brother VIP Albania”, një rrugëtim i gjatë që ka prodhuar emocione të forta, përplasje dhe situata të shumta të komentuara brenda dhe jashtë shtëpisë.
Me këtë rast, banorët janë përballur me pyetje reflektuese mbi eksperiencën e tyre, duke ndarë mendime për zgjedhjet, strategjitë dhe pendesat gjatë këtij rrugëtimi. Një nga pyetjet më të diskutuara iu drejtua Selin Bollatit, e cila u ftua të tregonte se cilin moment do të dëshironte të fshinte nga loja e saj.
Përgjigjja e saj tërhoqi menjëherë vëmendje, pasi lidhej me një nga situatat më të përfolura të këtij edicioni.
“Patjetër krevatin, ortakërinë. Ajo lojë e jona i ka mbajtur të tjerë shumë brenda”, u shpreh ajo.
Me këtë deklaratë, Selin iu referua aleancës së krijuar në fillim të lojës me Mirin, një bashkëpunim që u komentua gjerësisht dhe që, sipas saj, pati ndikim të drejtpërdrejtë në rrjedhën e garës. Ky moment mbetet një nga pikat kyçe që ka formësuar dinamikat në shtëpi, duke sjellë njëkohësisht afrime dhe përplasje mes banorëve.
