Pas plot 120 ditësh brenda shtëpisë më të famshme në Shqipëri, mes sfidash, emocionesh të forta dhe surprizash të njëpasnjëshme, “Big Brother VIP Albania 5” ka kurorëzuar fituesin e këtij edicioni.
Finalja e madhe, e mbushur me tension dhe entuziazëm, shënoi fundin e një rruge të gjatë për banorët finalistë. Në përballjen vendimtare me Mirin, ishte Selin Bollati ai që arriti të sigurojë mbështetjen më të madhe të publikut.
Me votat e shikuesve, Selini u shpall fitues i këtij sezoni, duke fituar edhe çmimin e madh prej 100 mijë eurosh.
Rrugëtimi i tij në shtëpi u karakterizua nga sfida të shumta, debate, por edhe momente të veçanta dhe miqësi që e ndihmuan të arrinte deri në fund, duke e kthyer këtë eksperiencë në një triumf personal.
