Vetëm pak muaj më parë përfundoi “Big Brother Vip Albania 4”, por fansat e programit vazhdojnë të pyesin çdo ditë se kur do të nisë sezoni i pestë i spektaklit.
Duke u bazuar në vitet e kaluara, kur “Big Brother Vip” ka nisur edicionet e tij në muajt dhjetor ose janar, edhe këtë vit pritej e njëjta gjë.
Megjithatë, ditën e sotme ish-banorja e “Big Brother”, Genta Gjalpi, bëri një deklaratë të fortë në rrjetin e saj social TikTok, duke shkruar: “Sa u mërzita që nuk ka Big Brother Albania sivjet.”
Nuk dihet nëse ish-banorja ka informacione të brendshme lidhur me spektaklin, por mjaftoi kjo deklaratë që shumë fansa të nisnin komentet në postimin e saj.
Gjithsesi, ky nuk është një informacion zyrtar nga Top Channel apo autorët e “Big Brother Vip Albania”. Na mbetet vetëm të presim për të parë nëse do të nisë apo jo edicioni i pestë i BBVA, përcjell pp.hilsn.com.
