Gimbo DJ i njohur dhe mik i ngushtë i Gjestit, ka ndarë së fundmi disa detaje prekëse për miqësinë e tyre dhe periudhën e vështirë që po kalon fituesi i “Big Brother VIP” pas humbjes tragjike të vëllait të tij, Eldionit.
Në një intervistë të sinqertë, Gimbo tregoi se Gjesti ka qenë frymëzimi dhe motivimi kryesor në rrugëtimin e tij muzikor, duke theksuar se suksesi që kanë arritur është fryt i besimit dhe bashkëpunimit të ndërsjellë.
“Gjesti ka qenë gjithmonë shtysa ime më e madhe. Ne jemi dyshja që gjithmonë kemi besuar se mund të arrijmë më lart,” – tha ai me mirënjohje.
Duke folur për tragjedinë që goditi familjen e Gjestit, Gimbo u shpreh me emocion se humbja e Eldionit ka qenë një moment tronditës për të gjithë miqtë e afërt.
“Për ne ka qenë një bam… një tragjedi e madhe. Zoti i mëshiroftë ata. Ngushëllime për familjen dhe falënderime për të gjithë ata që ishin pranë,” – tha ai.
Sipas Gimbos, pavarësisht dhimbjes së madhe, Gjesti po mundohet të gjejë forcë dhe qetësi pranë familjes, duke u mbështetur te njerëzit më të afërt.
“Momentalisht është mirë, po rri me familjen,” – u shpreh ai, duke shtuar se miqtë e tij po e mbështesin maksimalisht gjatë kësaj periudhe të ndjeshme.
Ky është komenti i parë publik nga një person i afërt me Gjestin pas tragjedisë familjare, duke sjellë një pasqyrë më të qartë të gjendjes së tij emocionale dhe forcës që ai po tregon për të ecur përpara.
