Modelja dhe aktorja Emily Ratajkowski është parë duke shkëmbyer puthje pasionante me regjisorin francez Romain, ish-partnerin e yllit me origjinë shqiptare Dua Lipa, në një dalje romantike në Nju Jork hera e parë që çiftit fotografohet së bashku.
Çifti nuk e fshehu pasionin e tyre gjatë shëtitjes: duke mbajtur duart bashkë, duke u puthur pranë një ndërtese dhe një hyrjeje të metrosë, si dhe me momenta të ëmbla ku Emily ledhatonte fytyrën e Romain dhe ai mbante duart mbi shpinën e saj.
Kjo duket të jetë romanca e parë e re e Emily që nga verën e vitit 2024, kur u fotografua duke ndarë momente intime me këngëtarin Shaboozey. Më parë, ajo ka pasur lidhje të shkurtra me Harry Styles, Eric André, Pete Davidson, Jack Greer dhe DJ Orazio Rispo, ndërsa ishte e martuar me producentin Sebastian Bear-McClard, me të cilin ka një djalë, Sylvester.
Për ndjekësit e jetës së saj personale, dalja me Romain shënon një kapitull të ri romantik, ndërsa Emily duket se nuk ka frikë të shfaqë pasionin e saj publikisht.
