Një ritual i përditshëm mëngjesi, që duket se është i zakonshëm në Australi, ka shkaktuar debat të gjerë në internet — pasi është shpallur zyrtarisht “i neveritshëm” nga shumë përdorues në rrjete sociale.
Gjithçka nisi kur influencuesja amerikane Brett Chody, e ndjekur nga mbi 200 mijë persona në TikTok, ndau një video ku shprehej e “shokuar realisht” nga një zakon që sapo kishte zbuluar.
Në videon e saj, 25-vjeçarja i referohej një ankete të publikuar nga podcast-i We Met At Acme, e cila pyeste ndjekësit:
“Çfarë bëni me pizhamet pasi i vishni?”
Opsionet ishin:
I lani
I ktheni në sirtar
I vendosni nën jastëk
Ose “tjetër”
Për çudi, opsioni “nën jastëk” po fitonte me diferencë të madhe — dhe kjo e la Brett plot dyshime.
“Asnjëherë në jetën time s’kam dëgjuar që dikush t’i fusë pizhamet nën jastëk pasi i vesh,” tha ajo në video.
“Mund të më shpjegojë dikush pse? Ndihem sikur po çmendem! Kam aq shumë pyetje.”
Videoja u bë menjëherë virale, duke ndezur një debat të gjerë midis ndjekësve nga vende të ndryshme: disa e mbrojtën zakoni si “praktik dhe i pastër”, ndërsa të tjerë e quajtën “absolutisht të neveritshëm”.
Një detaj i vogël, por që tregon sërish se internetit i mjafton një jastëk për t’u përçarë në kampe.
