Këngëtari i njohur nga Tetova, Shpat Kasapi, u nda nga jeta një javë më parë. Ai ndërroi jetë në moshën 40-vjeçare pas një ataku kardiak, teksa ndodhej me familjen në Itali.
Miqtë, kolegët dhe artistët e shumtë shprehën ngushëllimet e tyre, duke e kujtuar me respekt dhe fjalët më të mira.
Së fundmi, edhe Dafina Zeqiri i ka bërë një dedikim të ri e tepër prekës në rrjetet sociale.
Postimi i plotë i Dafinës:
“Çdo ditë që kalon, të kujtojmë Shpat Kasapi. Edhe pse jeta po kthehet ngadalë në rutinë, prezenca jote dhe muzika jote mbesin me neve.
E çmojmë njeriun që ke qenë, artin dhe respektin që e ke fituar gjithmonë me shpirt të pastër.
Mungesa jote na kujton sa e shkurtër është jeta, e sa e rëndësishme është me dhënë dashuri, mbështetje e mirësi, sa jemi gjallë.
Urojmë që ata njerëz që janë të lënduar, me gjet qetësi, me liru negativitetin, me u shëru, e me zgjedh veç dashurinë.”
