Pas shumë spekulimesh dhe videove që u bënë virale në rrjetet sociale, Loredana Brati i jep fund zërave për një lidhje me këngëtarin Don Xhoni. Në emisionin “Shqipëria Live”, ajo theksoi se mes tyre ekziston vetëm një miqësi e bazuar në respekt dhe një bashkëpunim që fatkeqësisht nuk u realizua.
“Ka lindur si një bashkëpunim, më ka kontaktuar vetë. Nuk kemi pasur lidhje, vetëm ruajmë një respekt të madh,” tha ajo, duke shtuar se bashkëpunimi nuk u finalizua për shkak të saj, por nuk përjashtoi mundësinë për projekte të tjera në të ardhmen.
Ndërsa për ish-banorin e BBV 4, Jozin, me të cilin pati një romancë të komentuar gjatë qëndrimit në shtëpinë më të famshme të reality-show-t, Loredana u shpreh se ai ishte i vetmi burrë me të cilin pati një marrëdhënie dashurore këtë vit.
“Ka marrëdhënie që nuk shuhen kollaj. Edhe pse kemi pasur sfida, emrat tanë do të jenë gjithmonë të lidhur. I uroj sukses për koncertet dhe kemi pasur pak komunikim,” tha ajo me sinqeritet.
Loredana tregon kështu se në jetën e saj personale mbizotëron qetësia dhe respekti, duke i dhënë fund zërave të shumtë dhe duke hapur kapitullin e ri me energji pozitive.
