Aktori i njohur George Clooney ka komentuar me humor grabitjen e bizhuterive në Muzeun e Luvrit, duke thënë se ndihet “krenar” për autorët e saj.
Gjatë premierës së filmit të tij të ri “Jay Kelly” në festivalin AFI, të enjten mbrëma më 23 tetor, Clooney e krahasoi ngjarjen me grabitjet e famshme të serialit filmik “Ocean’s”, ku ai luan rolin e Danny Ocean, udhëheqësi i një grupi grabitësish profesionistë.
“Nëse je një grabitës profesionist, si unë... jam shumë krenar për këta djem,” tha Clooney me shaka, duke buzëqeshur.
I pyetur nëse kjo ngjarje mund të frymëzojë një film të ri, aktori vazhdoi lojën me humor:
“Mendoj se duhet ta grabisim Luvrin,” u përgjigj ai me të qeshur.
