amir rrahmani

EDITORIAL

×
Kapiteni i Kosovës Amir Rrahmani, ish-i Era Istrefi shkëlqen në Gala-n e Serie A, pranë partneres Drita Stublla ! - Celebrity
KreuCelebrity

Kapiteni i Kosovës Amir Rrahmani, ish-i Era Istrefi shkëlqen në Gala-n e Serie A, pranë partneres Drita Stublla !

Kapiteni i Kosovës Amir Rrahmani, ish-i Era Istrefi shkëlqen në

Kapiteni i Kosovës, Amir Rrahmani, ka qenë një nga emrat kryesorë të mbrëmjes gala të futbollit italian, ku u vlerësua si pjesë e Formacionit të Vitit në Serie A. Mbrojtësi i Napolit u nderua për paraqitjet e tij të jashtëzakonshme në sezonin e kaluar, gjatë të cilit luajti rol vendimtar në shpalljen kampion të skuadrës nga Napoli.

Rrahmani ka vazhduar të tregojë stabilitet dhe lidership edhe këtë sezon. Në tetë ndeshjet ku ai është aktivizuar si titullar nën drejtimin e trajnerit Antonio Conte, Napoli ka pësuar vetëm tre gola  një statistikë që e konfirmon rëndësinë e tij në prapavijën napolitane.

Në Formacionin e Vitit u përfshinë disa nga yjet më të mëdhenj të kampionatit italian, përfshirë Scott McTominay, Lautaro Martinez dhe Tijjani Reijnders. Ndërkohë, Interi dhe Napoli dominuan listën me emra si Denzel Dumfries, Alessandro Bastoni, Federico Dimarco, Nicolo Barella dhe vetë Rrahmani.

Mbrojtësi kosovar u shfaq në gala i shoqëruar nga partnerja e tij, Drita Stublla. Dyshja tërhoqi vëmendjen e mediave me elegancën e tyre, të veshur tërësisht me ngjyrë të zezë, duke reflektuar stil dhe harmoni.

Ky vlerësim shënon një tjetër moment krenarie për Rrahmanin, i cili vazhdon të konsolidohet si një ndër mbrojtësit më të vlerësuar në Serie A, duke e forcuar edhe më shumë pozitën e tij si një ndër sportistët më të suksesshëm shqiptarë në arenën ndërkombëtare.

Tags:

drita stublla amir rrahmani

Bordo No.90
Janar 2026

SHKARKO VERSIONIN PDF

Celebrity

ME SHUME NGA KJO KATEGORI