Mbrëmja në Big Brother VIP Kosova ka shpërthyer në tension, pasi Alba Pollozhani ka hyrë në një konflikt të drejtpërdrejtë si me produksionin, ashtu edhe me moderatorin Alaudin Hamiti.
Shkak u bë një klip i transmetuar për të, ku paraqiteshin momentet gjatë javës ku ajo dhe Benita dyshohej se kishin bullizuar banoren e re, Elijona Binakaj. Menjëherë pas shfaqjes së pamjeve, Alba reagoi ashpër, duke kundërshtuar mënyrën se si ishte montuar materiali dhe duke e cilësuar atë “tendencioz” dhe “të padrejtë”.
Debati me Alaudinin u nxeu shpejt, dhe nga akuza për manipulim, situata degjeneroi në tone të larta. E irrituar, Alba u çua në këmbë dhe deklaroi publikisht se ishte gati të largohej nga shtëpia.
“Sistem i fëlliqur!”, u dëgjua të thoshte teksa largohej nga vendi ku po diskutohej.
A do të qëndrojë Alba në BBVK apo do t’i japë fund rrugëtimit të saj? Kjo mbetet ende e paqartë. Ndërkohë, rrjetet sociale kanë shpërthyer me reagime, dhe publiku pret me kureshtje që produksioni të reagojë për ngjarjen.
