Aktorja e njohur Emma Stone, 36 vjeçe, ka befasuar publikun me paraqitjen e saj në Javën e Modës në Paris, ku mori pjesë në sfilatën e Louis Vuitton për koleksionin Pranverë/Verë 2026. Për këtë rast, ajo zgjodhi një fustan elegant midi të bardhë, pa rripa, i kombinuar me një kardigan në të njëjtën ngjyrë, duke shfaqur një stil të sofistikuar e minimalist.
Megjithatë, menjëherë pas publikimit të fotove, rrjetet sociale u mbushën me reagime. Shumë ndjekës e komentuan pamjen e saj si krejt të ndryshme nga ajo që ishin mësuar të shihnin:
“Ku është Emma Stone??”
“Kjo nuk është Emma Stone.”
“Është sikur të jetë në programin e mbrojtjes së dëshmitarëve!”
“A ka bërë diçka me fytyrën?”
Ndërkohë, gjatë një takimi me publikun në Telluride Film Festival, më 30 gusht, Stone ndau një reflektim personal për ngjashmëritë mes realitetit dhe skenarëve të filmave ku luan. Ajo kujtoi një episod të ndodhur në New York:
“Pas xhirimeve, dëgjuam që dikush ishte qëlluar në rrugë. Ishte një drejtor i një kompanie shëndetësore. Ishte e çmendur, sepse sapo kishim xhiruar një skenë në bodrum, duke diskutuar për këto tema dhe kuptimin më të gjerë të gjithçkaje. Kupton se sa i rëndë dhe i frikshëm mund të jetë realiteti.”
Aktorja theksoi se këto ngjarje reale e kanë prekur emocionalisht dhe e kanë bërë të reflektojë më thellë mbi lidhjen e artit me botën që na rrethon.
