Ka nisur tashmë festivali i këngës në RTSH me artistë të njohur dhe të rinj. Ky festival ka shërbyer si një platformë për promovimin e artistëve shqiptarë dhe që nga viti 2004 ai përcakton përfaqësuesin e Shqipërisë në Eurovision Song Contest.
Mbrëmjen e djeshme kanë marrë vëmendje komentet në rrjete sociale të Neda Ballukut, e cila shprehet shumë e pakënaqur nga festivali këtë vit. Neda shprehet se këngëtarët e rinj, nuk mund të konkurrojnë në një edicion me këngëtarët e njohur, sepse nuk do të vlerësohen sa duhet. Festivali për të prej vitesh ka humbur funksionin krijues, duke i quajtur “shtatzënë prej vitesh”, por pa asnjë produkt të ri apo risi reale.
"Unë uroj me gjithë zemër që çdo vajzë a djalë që bën art dhe në vena ka gjak shqiptari, të shkëlqejë e këtë sukses kudo qoftë nëpër botë!
Por Galën një herë në 3 vjet e ftuar, me gjithë dashamirësinë time, është e tepërt.
Nuk është as nga Shkodra""Festivali është shtatzanë prej vitesh dhe nuk lind. Ka kaluar çdo afat dhe nuk ka një krijesë të re.
E para dhe kryesorja, nuk munden me artistët të rinj të konkurojnë tek e njejta kategori me artistët Big.
As vleresohen të rinjtë siç duhen dhe sidomos nuk i jep vlerën që meritojnë artistëve të konfirmuar.
Dhe jo, nuk është argument "konkurron kënga", këngët janë çdo vit e më dramë."
