Gjatë darkës së banorëve të nominuar në Big Brother VIP Kosova 4, atmosfera u ngarkua papritur emocionalisht kur Dolce shpërtheu në lot. E prekur dhe e tensionuar, ajo u rrëfeu banorëve se ishte vendosur përballë një situate të vështirë që mund ta detyronte të linte lojën më herët nga sa kishte menduar.
“Familja ime më ka thënë që duhet të dal patjetër nga shtëpia, për një çështje gjyqësore”, tha Dolce, mes lotësh.
E shqetësuar, ajo shtoi se proceset gjyqësore i kishte të mbyllura prej kohësh, prandaj frikësohej se mos bëhej fjalë për diçka më serioze:
“Gjyqësoren unë e kam mbaruar… kam hall se mos është dikush keq”.
Deklarata e saj i la banorët të shtangur, ndërsa në shtëpi mbizotëroi për disa minuta qetësia e rëndë e pasigurisë dhe ankthit.
