Pamela Anderson guxoi me look-un e ri dhe fitoi të gjithë vëmendjen e mundshme teksa mori pjesë në sfilatën e Tom Ford gjatë Javës së Modës në Paris. Aktorja e famshme u shfaq me një model të ri të flokëve, i cili i shkonte shumë, edhe pse “Daily Mail” shkruan se flokët e shkurtër dhe të kuqe të 58-vjeçares të njohur si “një bjonde e përjetshme” janë në fakt për një rol krejt të ri në një film, të cilin ajo do të fillojë t’a xhirojë menjëherë pas eventit të rëndësishëm të modës.
Aktorja e Baywatch, i shtoi transformimit të saj të guximshëm një fustan të gjatë e të zi, me një të çarë të gjatë deri lart që ekspozonte këmbët e saj të tonifikuara. Krahëve kishte hedhur një xhaketë. Gjithashtu veshjen e kishte kombinuar me një palë taka të errëta stileto.
Në fotografitë e publikuara nga mediat e huaja, Pamela Anderson shfaqet e qeshur teksa përshëndet njerëzit përpara sfilatës së modës.
Në filmin e saj të ri francez, të quajtur “Love is Not the Answer”, aktorja 58-vjeçare do të luajë përkrah Steve Coogan. Frymëzimi i saj për flokët erdhi nga tre aktore skandinave, Bibi Andersson, Liv Ullmann dhe Gunnel Lindblom, të cilat krenoheshin me stile të ngjashme.
