Stilistja italiane Elisabetta Franchi po përballet me probleme ligjore për akuzat e përndjekjes ndaj ish-konsulentes së saj. Një hetim është përfunduar dhe Franchi mund të akuzohet për sjellje që kanë për qëllim diskreditimin publik dhe privat të gruas.
Situata u përshkallëzua kur Franchi, e cila më parë kishte një marrëdhënie miqësie dhe profesionale me viktimën, e akuzoi atë se kishte një lidhje dashurie me partnerin e Franchi. Ajo thuhet se i ka komunikuar këto akuza personave të ndryshëm, përfshirë partnerin e viktimës, dhe ka bërë komente denigruese për gruan.
Në gusht, Franchi i dërgoi një mesazh kërcënues ish-konsulentes duke thënë: “O trego të vërtetën ose unë do të jem një cunami.” Prokuroria beson se këtij kërcënimi iu pasua një postimi i mëvonshëm në Instagram nga Franchi që thoshte: “A keni jetuar ndonjëherë makthin e zbulimit se miku juaj më i mirë, ai personi që ju besonit verbërisht, jo vetëm ju tradhëtoi, por e bëri këtë në mënyrën më të turpshme të mundshme?” Këtij postimi i pasuan komente të shumta denigruese.
Ndër veprimet e gjykuara janë postime në rrjetet sociale, mesazhe WhatsApp dhe sjellje të tjera që synonin të diskreditonin publikisht dhe privatisht viktimën.
Në një seancë paraprake më 22 tetor 2025, gjyqtari Andrea Romito kërkoi nga Prokuroria të vlerësonte një ri-klasifikim të akuzës, pra nëse ngjarjet mund të përbënin jo vetëm përndjekje, por edhe krime të tjera si fyerje e rënduar ose kërcënime serioze.
Më pas, prokurori Luca Venturi e ashpërsoi akuzën duke shtuar ndaj akuzës për përndjekje edhe krimet e fyerjes së rënduar dhe kërcënimeve ndaj të njëjtës ish-bashkëpunëtores/këshilltares. Ngjarja kryesore, sipas akuzës është një postim në rrjetet sociale më 22 tetor, ku Franchi shfaqte një shishe shampanje dhe ngrinte gishti të mesëm me frazën:
«Veprimi flet vetë. Sot fitova, por do t’ju tregoj së shpejti».
Një nga arsyet e ri-klasifikimit është se ky post ka shkaktuar një fushatë denigruese online kundër viktimës. Gjyqtari ka shtyrë seancën paraprake më 5 dhjetor 2025, për t’i mundësuar njoftimin viktimës për akuzat e reja. Nëse procesi vazhdon, stilistja mund të përballet me gjyq jo vetëm për përndjekje, por edhe për fyerje të rënduar dhe kërcënime.
