Lenny Kravitz përjetoi një moment të pazakontë gjatë koncertit të tij të fundit në Brisbane, Australi, më 21 nëntor, si pjesë e turneut “Blue Electric Light”.
Në një video të postuar në Instagram pas shfaqjes, këngëtari 61-vjeçar tregoi se një fans i kishte shkulur flokët gjatë interpretimit të këngës “Let Love Rule”.
“Brisbane, jeni të çmendur! Kur shkova për ‘Let Love Rule’, një vajzë shumë e emocionuar më tërhoqi flokët nga prapa koke. Damn, baby,” rrëfeu ai.
Turneu promovon albumin e tij të 12-të, “Blue Electric Light”, i publikuar në 2024. Pas Brisbane, ai do të performojë në Melbourne më 25 nëntor, dhe më pas në Mildura dhe Adelaide për shfaqjet e fundit të vitit, ndërsa rifillimi i turneut është planifikuar për mars 2026 në Mexico City.
Kravitz ka theksuar emocionin që i jep të performuarit në Australi dhe Zelandën e Re, dhe eksperiencën e tij të pesëditëshit në Las Vegas e konsideron një nder në karrierën e tij muzikore.
