Fedez dhe Giulia Honegger janë përsëri në qendër të mediave rozë për një çështje që ka ngjallur shumë kuriozitet: dyshohet se stilistja milaneze mund të jetë shtatzënë.
Dy javë më parë, thashethemet filluan të qarkullonin, por spekulimet u rindezën nga influencuesja Deianira Marzano, e cila shprehu se Giulia mund të presë një fëmijë. Në fillim të janarit, revista Oggi publikoi foto të çiftit gjatë pushimeve në St. Moritz, ku Giulia shihej duke mbajtur një batanije rreth belit, gjest që nxiti dyshime për shtatzëninë.
Miqtë e çiftit, sipas revistës, kanë nisur të flasin për këtë mundësi, megjithatë Giulia e mohoi menjëherë lajmin, duke e quajtur thashethem dhe duke theksuar se nuk ka asnjë të vërtetë pas tij.
Megjithatë, pas shpërndarjes së informacionit nga Deianira Marzano, biseda për shtatzëninë e mundshme është rikthyer, duke shtuar spekulimet dhe interesin e publikut.
Çifti, i cili bëri publike lidhjen e tyre në korrik 2025, preferon të mbajë një jetë private dhe poston rrallë momente personale në rrjetet sociale. Deri tani, nuk ka asnjë konfirmim zyrtar për shtatzëninë, por lajmet vazhdojnë të jenë objekt diskutimesh.
