Wellington Delano Dickens, 38 vjeç, doli para gjykatës në SHBA me akuzën për vrasjen e katër fëmijëve të tij, pasi telefonoi autoritetet e Karolinës së Veriut për të rrëfyer krimin e tij të tmerrshëm.
Dickens u tha oficerëve se katër fëmijët - Leah Dickens 6-vjeçare, Zoey Dickens 9-vjeçare, Wellington Dickens 9-vjeçar, dhe thjeshtri i tij Sean Brassfield 18-vjeçar - u gjetën të vdekur në bagazhin e një makine në garazh.
Sipas vlerësimeve fillestare të policisë, trupat e katër fëmijëve kishin qenë në makinë për disa muaj. Dokumentet e gjykatës thonë se autoritetet besojnë se katër fëmijët kishin qenë të vdekur që nga 1 maji.
38-vjeçari la pas djalin e tij 3-vjeçar, i cili u gjet gjallë dhe i padëmtuar brenda shtëpisë. Dickens akuzohet për vrasje të shkallës së parë. Sipas mediave lokale, gruaja e tij, Ray Jones Dickens, vdiq në prill të vitit 2024.
Xhaxhai i Dickens tha se veterani i Luftës në Irak "dukej mirë" kur e pa për herë të fundit rreth një vit më parë: "Si të gjithë, u shokova. E dëgjon, flet për atë që po u ndodh njerëzve të tjerë. Nuk do ta mendoje kurrë se do t'i ndodhte dikujt prej teje", tha ai, por vuri në dukje se 38-vjeçari nuk ishte i njëjti pas shërbimit të tij në ushtri, duke thënë "e dimë që ai ka pasur një problem të vogël që kur është kthyer".
