Në epokën e TikTok dhe pajisjeve të avancuara për gjumë, fiksimi ynë për një natë të qetë po arrin nivele rekord. Por ndërsa kemi më shumë mjete dhe këshilla se kurrë, a po na ndihmojnë ato vërtet, apo po i dëmtojnë netët tona?
Shumë njerëz përjetojnë ankthin e gjumit, një frikë apo stres për të fjetur ose për të qëndruar në gjumë. Sipas raporteve të Nuffield Health dhe Mental Health Foundation, të rriturit në Britani flenë mesatarisht vetëm 5.9 orë nata dhe 48% besojnë se gjumi i keq ndikon negativisht në shëndetin mendor.
Ekspertët paralajmërojnë se rrjetet sociale dhe përmbajtja online mund të përkeqësojnë problemin. TikTok është plot me video për gjumë, ASMR dhe hipnoterapi, shpesh nga persona pa kualifikime të mjaftueshme. Neuroscientist Nicole Vignola shpjegon se drita artificiale nga telefonat dhe tabletët vonon çelësin natyral të gjumit të trurit, duke krijuar “sleep latency” vonesë për të ndjerë lodhje.
Dr. Lindsey Browning shton se përdorimi i TikTok për të fjetur mund të funksionojë përkohësisht, por në afat të gjatë dërgon mesazhe të përziera në tru, duke e bërë krevatin të lidhur me ekranin dhe aktivitetet e tjera, jo me gjumin. Dr. Abhinav Singh paralajmëron gjithashtu se përmbajtja e shqetësueshme mund të rrisë stresin dhe të përkeqësojë ankthin e gjumit.
Teknologjia nuk është gjithmonë armike, por ka rreziqe
Pajisjet moderne për gjumë, si Oura ring, matin gjithçka nga temperatura e lëkurës, rrahjet e zemrës dhe fazat e gjumit. Por ekspertët paralajmërojnë se fikësimi me të dhënat mund të përkeqësojë gjumin, fenomen i njohur si orthosomnia. Në vend që të ndihmojnë, kontrolli i vazhdueshëm i rezultateve mund të rrisë stresin dhe të krijojë një cikël të pafund të shqetësimit.
Si të përmirësojmë higjienën e gjumit?
Ekspertët japin këshilla praktike:
Transformoni dhomën tuaj në një vend për pushim: shmangni ekranet dhe punën në shtrat.
Dilni nga dhoma pas 30 minutash: nëse nuk mund të flini, largohuni nga krevati për disa minuta dhe kthehuni më vonë.
Vendosni oraret e rregullta të gjumit: të fjeturit dhe zgjimi në të njëjtat orë çdo ditë ndihmon ritmin cirkadian.
Kontrolloni të dhënat e gjumit një herë në javë: shikimi i vazhdueshëm i të dhënave çdo natë mund të rrisë fikësimin dhe ankthin.
Ekspertët theksojnë se balanci është çelësi: TikTok, video ASMR dhe pajisjet teknologjike mund të ndihmojnë për një gjumë më të qetë nëse përdoren siç duhet, por fikësimi i tepruar rrit stresin dhe ankthin. Higjiena e gjumit, qetësia dhe kufizimi i ekranit para gjumit mbeten strategjitë më të sigurta për një natë të rehatshme.
Gruaja, si forcë dhe muzë universale!
Eleganca e ndjesisë brenda "Sensorium Worlds"!
Mollë dhe dardha të pjekura me krem
Flokë të thinjura? Më pak rrezik nga kanceri!
Vjeshta, momenti i ripërtëritjes
Sekreti i bukurisë, pse duhet të flini herët?
