Kreu Stil Jetese

Katër ushqime të përditshme që rrisin sheqerin në gjak po aq sa ëmbëlsirat!

10 Nëntor 2025, 17:06

Nuk janë vetëm ëmbëlsirat me sheqer dhe pijet e gazuara që mund të na e rrisin nivelin e sheqerit në gjak në mënyrë të jashtëzakonshme. Karbohidratet si buka, makaronat dhe patatet, plus disa fruta dhe perime, mund të kenë të njëjtin efekt, duke rritur rrezikun e një numri problemesh serioze shëndetësore, paralajmëron një ekspert për Daily Mail.

Trajneri i shëndetit Steve Bennett, i cili sapo ka publikuar një libër të ri, "Toleranca ndaj Sheqerit", thotë: "Trupi ynë është projektuar për t'u përballur me rritje të moderuara dhe të rralla të sheqerit.
"Ai lëshon insulinë për të kapur sheqerin e tepërt dhe për të qetësuar situatën. Por ajo që po shohim është se nuk është një dukuri e rrallë. Janë drithëra për mëngjes, bukë për drekë dhe pica për darkë.

"Dhe ajo që po ndodh është se insulina po vihet në veprim aq shpesh sa qelizat bëhen më pak të ndjeshme ndaj saj dhe nuk e thithin glukozën e tepërt në gjak në mënyrë efikase.

"Këmbëngulja çon në rezistencë. Kjo bëhet rezistencë ndaj insulinës, e cila është kur shohim diabetin e tipit 2."

Është krejtësisht normale që sheqeri në gjak të rritet ndjeshëm pas ngrënies së ushqimit. Tek njerëzit e shëndetshëm, konsumi i një vakti me shumë karbohidrate, do të beje që pankreasi të clirojë insulinë për të rikthyer nivelet e sheqerit në gjak në normalitet.

Insulina është një hormon që kontrollon nivelet e sheqerit në gjak duke u dhënë sinjal qelizave të thithin glukozën nga qarkullimi i gjakut. Por rritjet e zgjatura të sheqerit në gjak i japin sinjal edhe trupit që të fillojë të ruajë sheqerin si yndyrë, duke bllokuar arteriet dhe në fund të fundit duke çuar në shtim në peshë, sëmundjen e Alzheimerit dhe madje edhe në verbëri, shton Bennett.

Meqenëse ne i referohemi glukozës që bën rrugën e saj nëpër sistemin tonë vaskular si 'sheqer në gjak', është e lehtë të mendosh se këto rritje të dëmshme dhe rëniet pasuese shkaktohen vetëm nga ushqimet e ëmbla, por Bennett shpjegon se karbohidratet në dukje të pafajshme janë zakonisht fajtorët.