Vetëm tre muaj para vdekjes së tij tragjike, regjisori dhe aktori i njohur Rob Reiner kishte folur hapur për filmin që e konsideronte si veprën më përfaqësuese të karrierës së tij. Reiner dhe bashkëshortja e tij, Michele Singer Reiner, u gjetën pa shenja jete të dielën në banesën e tyre në Los Angeles, ndërsa autoritetet po hetojnë rrethanat e ngjarjes, me dyshime se djali i tyre mund të jetë i përfshirë në vrasjen e dyfishtë.
Sipas mediave ndërkombëtare, përfshirë Unilad, Reiner kishte dhënë një intervistë disa javë më parë për emisionin “Pa Censur” të Piers Morgan, ku u pyet për trashëgiminë e tij artistike. Moderatori e vuri përballë një pyetjeje të drejtpërdrejtë:
“Nëse një ditë njerëzit do të kujtonin punën tënde, cili film do të doje të mbetej më i rëndësishmi?”
Fillimisht, regjisori iu përgjigj me humor, duke thënë se i donte të gjitha filmat e tij njësoj, ashtu si fëmijët, edhe ata “më problematikët”. Por më pas, ai u ndal në një përgjigje më personale dhe të sinqertë, duke veçuar filmin “Qëndro pranë meje” (Stand by Me) si projektin që kishte më shumë domethënie për të.
Reiner e përshkroi këtë film si veprën që përfaqësonte më së miri pasionin e tij dhe mesazhin që kishte dashur të linte te publiku ndër vite.
Intervista u bë virale pas ndarjes nga jeta të regjisorit, duke prekur publikun për sinqeritetin dhe reflektimin e tij mbi artin. Trashëgimia e Rob Reinerit mbetet një kapitull i rëndësishëm dhe i dashur në historinë e kinemasë amerikane.
