Në 18 nëntor, mbushet një vit nga vrasja e Martin Canit, ngjarje që tronditi vendin dhe la pas një debat të madh publik.
Prokuroria ka shpallur pretencën me 25 vite burg për autorin e dyshuar, Mario Përlleshaj, duke kërkuar njëkohësisht që dënimi të llogaritet sipas Kodit të të Miturve, pasi ai ishte nën moshë në momentin e krimit.
Sipas dosjes hetimore, ngjarja ndodhi pas një konflikti mes dy të miturve, i cili ishte shënuar disa ditë radhazi. Të njëjtat burime konfirmojnë se edhe ditën e vrasjes ka pasur një tjetër përleshje mes tyre, ku janë përfshirë edhe fëmijë të tjerë.
Pamjet e sigurisë të sekuestruara nga hetuesit tregojnë momentin kur Mario Përlleshaj largohet nga vendngjarja me një thikë në dorë, pak çaste pasi Martini u godit fatalisht.
Ndërkohë, familja e viktimës dhe opinioni publik presin vendimin e gjykatës, teksa procesi po i afrohet fazës së tij përfundimtare.
