Aktorja italiane Monica Bellucci dhe regjisori i njohur amerikan Tim Burton kanë konfirmuar ndarjen e tyre, pas dy vitesh lidhje. Lajmi u bë publik përmes një deklarate të përbashkët të shpërndarë për agjencinë franceze të lajmeve AFP, ku të dy theksuan se vendimi u mor “me respekt dhe afeksion reciprok”.
“Me shumë respekt dhe dashuri të ndërsjellë, Monica Bellucci dhe Tim Burton kanë vendosur të ndahen”
Çifti u njoh në tetor të vitit 2022 gjatë Festivalit Lumière në Lyon, Francë, ku u afruan përmes pasionit të përbashkët për kinemanë. Lidhja e tyre u konfirmua publikisht disa muaj më vonë, dhe u prit me entuziazëm nga fansat dhe mediat, duke i konsideruar si një nga çiftet më të pazakonta, por interesante të botës së famës.
Megjithëse ndarja nuk u shoqërua me detaje të hollësishme, deklarata e tyre sugjeron një përfundim pa dramë:
“Lidhja jonë ishte e veçantë dhe do të mbetet një kujtim i çmuar. Kemi vendosur të ndahen rrugët tona në mënyrë miqësore, me respekt të thellë për njëri-tjetrin.”
-
Noizy e ironizoi në Instagram, Mozzik i përgjigjet: Hajde më ndihmo...
19 Shtator, 11:51 -
