Këngëtarja e njohur amerikane, Lizzo, ka tërhequr vëmendjen e fansave me një seri fotosh të publikuara në Instagram, ku pozon në një fustan të ngushtë me sfondin ikonik të Kullës Eiffel. Në moshën 37-vjeçare, fituesja e disa çmimeve Grammy, shfaqet më e sigurt se kurrë, duke përqafuar format e saj natyrale dhe duke dërguar një mesazh të fuqishëm për vetëbesimin dhe pranimin e trupit.
“Është një verë që përqafon të pasmet e vogla të shëndosha,” shkroi ajo në postimin që shoqëronte fotot e realizuara nga një ballkon me pamje spektakolare në Paris. Veshja metalike që kishte zgjedhur theksonte format e saj, ndërsa komentet e ndjekësve vërshuan me admirim e mbështetje.
“Përsosmëri arkitekturore! Dhe jo, nuk e kam fjalën për Kullën Eiffel,” shkroi një ndjekës me humor.
Pranon përdorimin e Ozempic
Përveç fotove, Lizzo ka bërë bujë edhe me deklaratën e saj më të fundit në podcast-in “Just Trish” të Trisha Paytas. E pyetur për humbjen në peshë, këngëtarja pranoi se ka provuar Ozempic, një ilaç që përdoret për menaxhimin e diabetit dhe gjithnjë e më shumë për rënien në peshë.
“Nuk është e lehtë. Kam provuar gjithçka. Por preferoj mënyra më natyrale, si numërimi i kalorive,” u shpreh ajo. “Ozempic funksionon sepse të bën të ndihesh i ngopur. Nëse arrin ta bësh vetë, është e njëjta gjë.
Lizzo ka qenë gjithmonë një zë i fuqishëm për pranimin e trupit dhe kundër stereotipeve të bukurisë që imponon industria e muzikës dhe showbiz-it, duke i qëndruar besnike mesazhit të saj: të jesh vetvetja është gjithmonë në modë.
