Aktorja amerikane Winona Ryder (52 vjeç) ka rrëfyer se dikur ishte e dashuruar me legjendën e kinemasë Al Pacino (85 vjeç). Dyshja kanë luajtur së bashku në komedinë "Simone", dhe gjatë kësaj periudhe Ryder thotë se kishte ndjenja të forta për aktorin e njohur. Megjithatë, Pacino e refuzoi me delikatesë, duke i thënë se ishte shumë e re për të.
Në një intervistë për edicionin britanik të revistës Elle, Winona kujtoi momentin kur i shprehu ndjenjat e saj:
“Isha 22 vjeç, ose diçka e tillë. Ai më la në vendin ku po qëndroja dhe i thashë: ‘E di, të dua. Jam vërtet plotësisht e dashuruar me ty’. Dhe ai më tha: ‘Oh, zemër, jo.’”
Me një buzëqeshje, Ryder shtoi se rreth një dekadë më vonë kishte takuar të dashurën e tij, e cila ishte edhe më e re se ajo vetë në atë kohë.
“Unë ende luaj poker me të ndonjëherë”, shtoi ajo.
Aktori është i njohur prej kohësh për lidhjet me gra më të reja. Lidhja e tij e fundit e njohur ishte me 31-vjeçaren Noor Alfallah, me të cilën pati një djalë në vitin 2023. Ata u martuan në vitin 2022, por u ndanë menjëherë pas lindjes së djalit të tyre.
-
-
Elinara Shehu në zi, humbet njeriun e saj të shtrenjtë!
25 Korrik, 13:24
