Përmes një postimi në InstaStory, Edi Kuçi ka reaguar hapur për eksperiencën e tij brenda shtëpisë, duke pranuar se që nga dita e parë nuk është ndier i respektuar. Ai thekson se loja, presioni psikologjik dhe izolimi, në shumë momente, kanë kaluar kufijtë e normales.
Kuçi pranon se ka pasur debate dhe momente tensioni, por thekson se sa herë ka gabuar apo ka folur me mungesë respekti, ka kërkuar falje. “Kur gaboj, e pranoj dhe kërkoj ndjesë, por ka gjëra që nuk mund t’i toleroj,” shkruan ai.
Në reagimin e tij, ai kritikon hipokrizinë dhe sjelljet e shtirura brenda shtëpisë, duke theksuar se nuk pranon aktrim apo lojë për sy e faqe. Sipas tij, respekti është vlera bazë dhe çdo sjellje që cenon dinjitetin e tij është e papranueshme.
“Ju respektoj aq shumë juve jashtë, sa nuk pranoj të aktroj për ju. Kjo është forma më e lartë e respektit,” shprehet Kuçi. Ai shton se gjatë qëndrimit në shtëpi ka qenë ndër banorët më të votuar, çka e bën largimin e tij një surprizë jo vetëm për veten, por edhe për publikun.
“Kjo më dhemb më shumë, sepse e ndiej si një padrejtësi ndaj gjithë rrugëtimit tim dhe besimit që më keni dhënë,” thekson ai.
Postimi i Kuçit shihet si një përgjigje e drejtpërdrejtë ndaj spekulimeve dhe situatave të komentuara gjerësisht në media dhe rrjetet sociale, duke treguar vendosmërinë e tij për të qenë i sinqertë dhe transparent me publikun.
