Një ngjarje e frikshme tronditi kryeqytetin e Hondurasit, Tegucigalpa, të enjten, kur Gladys Aurora López, deputete e Partisë Kombëtare, u plagos rëndë gjatë një interviste për mediat. Një pajisje shpërthyese u hodh drejt saj dhe shpërtheu vetëm disa centimetra larg kokës, duke shkaktuar panik në turmën e pranishme.
Deputetja mbijetoi, por pësoi dëmtime serioze, përfshirë djegie dhe probleme me dëgjimin, ndërsa disa persona të tjerë u lënduan lehtë. Ngjarja u shoqërua me kaos dhe frikë të menjëhershme, duke ndikuar publikun dhe mediat që po e intervistonin.
Sulmi ndodhi në një periudhë të tensionuar politikisht, gjatë rinumërimit të kontestuar të votave, pas fitore së ngushtë të Nasry Asfura në zgjedhjet presidenciale të nëntorit. Autoritetet kanë nisur hetimet për të identifikuar autorin dhe motivet pas këtij sulmi të tmerrshëm.
Ngjarja ka nxjerrë në pah rrezikun për figurat publike në Honduras dhe tensionet e thella politike që mbizotërojnë pas zgjedhjeve të diskutueshme.
View this post on Instagram
