Sjellja jo e duhur e shumë yjeve të Hollivudit hodhi hije mbi ceremoninë e ndarjes së çmimeve Golden Globe të së dielës, e cila u mbajt në Beverly Hills, Kaliforni. Sean Penn u përfshi në listën e të pafavorizuarve të ndarjes së çmimeve pasi fituesi i çmimit Oscar thuhet se ndezi një cigare brenda hotelit, gjë që është kundër rregullave të vendit që nuk lejon duhanpirjen.
Një blog i Vanity Fair që kronikoi ngjarjen tregoi se fituesi dy herë i Çmimit Oscar, 65 vjeç, shpërfilli politikën e autoriteve vendase, në një kohë kur Rebecca Ford nga kjo media, raportoi se "disa mysafirë kishin kërkuar një vend për të pirë duhan jashtë" Beverly Hills Hilton, ku po mbahej eventi.
Ford u shpreh se "një regjisor e pa Sean Penn të ndizte cigare brenda teatrit, pikërisht në tavolinën e tij". Daily Mail ka kontaktuar përfaqësuesin e Penn për koment, por nuk ka marrë përgjigje.
Një tjetër personazh i famshëm, sjellja e të cilit i habiti disa shikues të dielën, ishte Amanda Seyfried. Aktorja 40-vjeçare nuk dukej e lumtur kur humbi mundësinë të fitonte çmimet për Performancën më të Mirë përballë aktores Rose Byrne. Seyfried, e cila u nominua për punën e saj në The Testament of Ann Lee, u pa duke u shtrembëruar në fytyrë përpara se të ngrihej për të duartrokitur për Byrne.
