Influencuesja australiane Elle Ferguson është gjendur në qendër të kritikave në rrjetet sociale pas një postimi të fundit që ka ndezur debat mes ndjekësve të saj.
Gjatë një vizite në një butik të Louis Vuitton, 41-vjeçarja publikoi një video ku shfaqej me një kuti luksoze për bizhuteri në formë guaske, me një vlerë rreth 23,600 dollarë. Aksesori i veçantë mban monogramin karakteristik të markës, detaje prej ari dhe një pjesë të brendshme të veshur me mikrofibër.
Megjithatë, vëmendjen më të madhe nuk e mori objekti luksoz, por përshkrimi që shoqëronte videon, i cili u konsiderua provokues nga shumë përdorues.
“Sapo pashë dikë nga shkolla e mesme që postoi një foto me tre fëmijët e saj dhe mbishkrimin: ‘Çfarë mund të jetë më mirë se kjo?’ Me gjithë respektin, një kuti bizhuterish Louis Vuitton në formë guaske me vlerë 23,600 dollarë”, shkroi Ferguson në postim.
Më pas ajo shtoi edhe një koment tjetër: “Merreni me humor”.
Por deklarata u prit me reagime të forta nga një pjesë e ndjekësve, të cilët e konsideruan të pavend dhe pa ndjeshmëri.
“Shpresoj të jesh duke bërë shaka”, “Fëmijët vlejnë më shumë se çdo send luksi” dhe “Ajo kuti nuk do të të thotë kurrë ‘mami të dua’”, ishin disa nga komentet që pushtuan rrjetin.
Nga ana tjetër, pati edhe përdorues që e mbrojtën influencuesen, duke e parë postimin si një batutë të thjeshtë dhe pa qëllim ofendues. “Kam tre fëmijë dhe sinqerisht… ajo ka të drejtë”, shkroi një ndjekëse.
