Bad Bunny pati një moment të sikletshëm gjatë koncertit të tij të së mërkurës, më 10 dhjetor, në Mexico City, por fansat e tij e shndërruan incidentin në një nga çastet më të paharrueshme të natës.
Gjatë interpretimit të hitit “Efecto”, fituesi i Grammy-t, 31 vjeç, po kërçente në skenë kur papritur rrëshqiti dhe u rrëzua. Benito Antonio Martínez Ocasio, emri i vërtetë i artistit qëndroi ulur për disa momente, ndërsa publiku shpërtheu në brohoritje dhe vazhdoi të këndonte tekstin e këngës pa e ndalur ritmin e koncertit, siç tregohet në videot e realizuara nga fansat.
Pas pak çastesh, Bad Bunny u ngrit në këmbë, rifilloi performancën dhe falënderoi turmën për mbështetjen e menjëhershme.
View this post on Instagram
Incidenti i vogël vjen vetëm dy muaj para se artisti të ngjitet në skenën madhështore të Super Bowl LX Halftime Show, më 8 shkurt 2026. Njoftimi zyrtar u bë në shtator, gjatë ndeshjes mes Dallas Cowboys dhe Green Bay Packers.
