Hollywood-i u përball me një moment dramatik të martën, kur komediani Andy Dick u gjet i shtrirë jashtë një ndërtese, duke pësuar një mbidozë të dukshme. Një video ekskluzive e TMZ tregon kalimtarë të alarmuar duke u përpjekur të shpëtojnë jetën e tij.
Në pamjet shihet komediani i shtrirë mbi shkallët e betonit, me syzet e tij karakteristike të rrëzuara pranë tij, ndërsa një kalimtar thërret për Narcan, ilaçin jetësor që mund të kundërshtojë efektet e mbidozave opioide. E teksa merr mjekimin aktori shfaq shenja përmirësimi.
Shërbimi i Zjarrfikësve të Los Angeles-it konfirmoi se reagoi për një mbidozë që përfshinte një burrë 59-vjeçar, por Andy nuk u dërgua në spital. Policia e qytetit gjithashtu mbërriti në vendngjarje pas njoftimit për mbidozën.
Në një bisedë telefonike të martën në mbrëmje, Andy Dick tha se ishte gjallë dhe i lumtur që ishte mirë, por nuk dha detaje për llojin e drogës që kishte përdorur.
Ngjarja rikthen shqetësimet për shëndetin e komedianit, i njohur për beteja të mëparshme me drogën, dhe nënvizon rëndësinë e ndërhyrjes së shpejtë në raste të tilla.
