Asambleja e Ekspertëve të Iranit ka zgjedhur këtë të martë liderin e ri suprem të vendit, duke vendosur Mojtaba Hosseini Khamenein, djalin e Ajatollah Ali Khameneit, në krye të Republikës Islamike.
Sipas mediave iraniane, emërimi u bë nën ndikimin e Gardës Revolucionare, me qëllim të sigurimit të një pasardhësi brenda strukturave të pushtetit, pas vdekjes së Ali Khameneit gjatë një sulmi izraelit të shtunën e kaluar. Autoritetet izraelite po ashtu kishin parashikuar emërimin e Mojtabës.
Mojtaba Hosseini Khamenei, 56 vjeç, është djali i dytë më i madh i ish-liderit suprem të Iranit dhe tani merr përgjegjësinë e një prej posteve më të fuqishme në vend.
