Harrojini resortet me muzikë të lartë dhe axhendat e ngarkuara. Trendi më i ri i udhëtimeve për vitin 2026 janë “pushimet e heshtura”.
Bëhet fjalë për destinacione të izoluara – male, liqene, fshatra të vegjël – ku vizitorët zgjedhin që për disa ditë të heqin dorë nga rrjetet sociale, telefonatat dhe madje edhe bisedat e panevojshme.
Sipas agjencive ndërkombëtare të turizmit, rezervimet për “silent retreats” janë rritur ndjeshëm, veçanërisht nga të rinjtë 25-40 vjeç, të cilët kërkojnë shkëputje nga mbingarkesa digjitale.
Psikologët theksojnë se vetëm 72 orë larg ekranit mund të ulin nivelin e stresit dhe të përmirësojnë cilësinë e gjumit.
Në një epokë ku gjithçka është “online”, duket se luksi i ri është… qetësia.
