Në një rrëfim prekës në podcastin Mam të Orinda Hutës, Turjan Hysko ka ndarë përvojën e tij të paharrueshme të parë si baba gjatë lindjes së vajzës së tij, Atares. Ai tregoi se momenti kur e mbajti në dorë për herë të parë ishte i mbushur me emocione të përziera dhe njëfarë frike të natyrshme.
“Kur e mbajta në dorë, në atë moment mendja ime ishte tek ti,” rrëfeu Turjani, duke përshkruar ndjesinë e parë të afërsisë me foshnjën. Ai pranoi se kishte një lloj sikleti dhe frike se a po e ndjente dashurinë që të gjithë përshkruajnë si të jashtëzakonshme, duke krahasuar ndjesitë e tij me ato të njerëzve që thonë “mbreti im, princesha ime”.
Gjithashtu, ai tregoi se kishte një ngërç fillestar për shkak se nuk mund të komunikonte ende me Atarën, duke u ndjerë për momentin i pasigurt në rolin e tij si baba. Por kur partnerja e tij e mori foshnjën dhe u ulën të tre së bashku, Turjani ndjeu ngrohtësinë dhe aromën karakteristike të bebit, duke përjetuar një ndjesi të butë dhe të çiltër.
“Ky është një proces që duhet shijuar. Nuk ke pse e karikon veten me idenë ‘ua e dua shumë’ është diçka që vjen natyrshëm,” shtoi ai.
Rrëfimi i Turjanit tregon jo vetëm emocionet e forta të prindërimit, por edhe ndjesinë e sinqeritetit dhe mirësisë që shoqëron takimin e parë me fëmijën e tij.
