Heidi Baci ka bërë së fundmi një deklaratë me nuanca ironie lidhur me jetën e saj sentimentale, gjatë transmetimit të emisionit “Wake Up”.
Ish-banorja e “Big Brother VIP 3”, e cila u bë protagoniste e një prej romancave më të komentuara të edicionit së bashku me aktorin Romeo Veshaj, i dha fund lidhjes pak muaj pas daljes nga shtëpia — një ndarje e qetë në publik, por e shoqëruar me shumë zhurmë mediatike.
E ulur në krah të Blendi Salajt, Heidi tha se tashmë ka ndryshuar qasje dhe nuk preferon të japë më këshilla për çështje zemre.
“Këshilla dashurie nuk jap shumë, se vetë e kam ndritur. Ndonjëherë njerëzit duhet të gabojnë, që pastaj të mësojnë,” u shpreh ajo, duke iu referuar me humor dhe sportivitet përvojës së saj personale.
Deklarata e Bacit tregon një qasje më të pjekur dhe të çlirët ndaj së shkuarës, duke e parë atë si një proces të natyrshëm rritjeje dhe mësimi.
