Sharon Osbourne ka ndarë një mesazh shumë prekës nga Ozzy Osbourne pas koncertit të tij të fundit lamtumirës në Birmingham, ku këngëtari i njohur i "Black Sabbath" performoi vetëm 17 ditë para vdekjes. Pas këtij koncerti të paharrueshëm, Ozzy i tha gruas së tij Sharonit:
"Ishte koncerti më i mirë i jetës sime."
Ky ishte një moment shumë emocionues për të gjithë adhuruesit e tij, pasi ky koncert përfaqësonte lamtumirën e tij për muzikën dhe për publikun. Ozzy kishte luftuar me sëmundjen e Parkinsonit për vite me radhë, por ishte i vendosur të përfundonte këtë udhëtim të gjatë muzikor në qytetin e tij të lindjes, Birmingham.
Mesazhi i Ozzy-t pas koncertit është një testament i pasionit dhe dashurisë së tij për muzikën dhe për fansat që e kanë mbështetur gjatë gjithë karrierës së tij. Gjatë performancës përpara një audience prej mbi 40,000 fansash, Ozzy tha:
“Nuk e dini se si ndihem, faleminderit nga zemra”.
Këngëtari nga Birmingham ngriti një shumë marramendëse prej 190 milionë dollarësh për bamirësi nga ky koncert, me fitimet e ndara në mënyrë të barabartë mes Spitalit të Fëmijëve në Birmingham, Cure Parkinson’s dhe Acorns Children’s Hospice.
Sharon foli me Pollstar para vdekjes së Ozzy-t dhe ndau reagimin emocionues që “Princi i Errësirës” pati pasi doli në skenë në një koncert të shitur në Villa Park.
“Ai u kthye dhe më tha atë natë: ‘Nuk kisha idenë që kaq shumë njerëz më donin’”, kujtoi Sharon. “Ozzy gjithmonë ka qenë në botën e tij”
