Shtëpia e Big Brother VIP Albania 5 është trazuar mbrëmjen e kaluar nga dy hyrje të reja, të cilat pritet t’i japin një tjetër dinamikë lojës dhe marrëdhënieve mes banorëve.
Banorja e parë që iu bashkua garës është këngëtarja e njohur Krusita. Me hyrjen e saj, Krusita bëhet zyrtarisht pjesë e garës për çmimin e madh, duke sjellë jo vetëm famën dhe eksperiencën e saj artistike, por edhe pritshmëri të larta për energji, emocione dhe surpriza brenda shtëpisë. Hyrja e saj u prit me interes nga banorët, të cilët u shfaqën kuriozë për të njohur më nga afër anën e saj personale dhe strategjinë që do të ndjekë në lojë.
Pak më vonë, shtëpisë iu bashkua edhe Rogerti, një gazetar i njohur sportiv, i cili vjen nga një profil krejt ndryshe. Gjatë prezantimit të tij, Rogerti u shpreh se hyn në Big Brother me një mision të veçantë
“Tani po vjen njeriu që do i japë pak dashuri shtëpisë”, deklaratë që ngjalli buzëqeshje dhe reagime të menjëhershme nga banorët e tjerë.
Me dy hyrje kaq të ndryshme në karakter dhe background, publiku pret që ditët në vijim të shoqërohen me aleanca të reja, debate, emocione dhe surpriza, duke e bërë garën edhe më interesante. Big Brother VIP Albania 5 vazhdon kështu të mbajë gjallë vëmendjen e shikuesve, ndërsa loja hyn në një fazë edhe më të fortë.
