Brandi Glanville ka zbuluar arsyen e shpërfytyrimit misterioz të fytyrës së saj, për të cilin më parë fajësonte një parazit. Aktorja 53-vjeçare e “Real Housewives of Beverly Hills” zbuloi se më në fund ka një diagnozë për gjendjen e saj, ndërsa foli për TMZ të premten.
Ylli i reality show tha se “do ta ndajë” diagnozën së shpejti me publikun, dhe nuk ka zbuluar ende se çfarë e ka shkaktuar problemin – për rregullimin e të cilit ka shpenzuar deri tani më shumë se 130,000 dollarë.
Brandi shtoi se ka një “rrugë të gjatë” përpara për t’u “shëruar plotësisht”. Megjithatë, ajo tha se është “e emocionuar” që “më në fund ka një përgjigje”.
Nëna e dy fëmijëve tregoi se mori diagnozën e saj mjekësore vetëm dje, duke shtuar se “po ndodhin shumë gjëra”. Brandi foli gjithashtu për ndikimin e madh që kjo gjendje shëndetësore i ka shkaktuar, duke thënë se është kthyer në një introverte dhe se pëson “një ankth të tmerrshëm” kur del nga shtëpia sepse ka qenë e “vetëizoluar” për dy vjet.
Galeria fotografike
